.jpg)
«Qarabağ»ın baş məşqçisi Qurban Qurbanovun bugünlərdə ölkə xaricinə çıxdığı məlum olub.
«Köhlən atlar»ın çalışdırıcısı «Araz-Naxçıvan»la Premyer Liqanın ilk tur matçından əvvəl sərhəddən o yana keçib.
Təcrübəli mütəxəssis Macarıstana yollanıb.
Niyə bu ölkə? Məlum olduğu kimi, Belarus klubları UEFA-nın qadağası üzündən ev oyunlarını Macarıstanda keçirir.
Minsk «Dinamo»su Çempionlar Liqasının ikinci təsnifat mərhələsində «Ludoqorets»i burada qəbul edib.
Qurbanov bu görüşü stadiondan canlı izləyib və öz qeydlərini götürüb. Onun tamaşa etdiyi oyun nominal ev sahiblərinin 1:0 hesablı qələbəsiylə başa çatıb.
Fəqət, ilk matçı 0:2 hesabıyla uduzduqlarından, «Ludoqorets» üçüncü təsnifat mərhələsində «Qarabağ»ın rəqibi olub.
Əvvəlki raundda "Linkoln"u (Cəbəllütariq) mübarizədən kənarlaşdıran "Qarabağ"ın Çempionlar Liqasının III təsnifat mərhələsində Bolqarıstan klubu ilə oyunlarının vaxtı dəqiqləşib.
Avqustun 6-da Tofiq Bəhramov adına Respublika stadionundakı ilk matç saat 20:00-da start götürəcək.
Səfərdəki cavab görüşü avqustun 13-də Bakı vaxtı ilə saat 22:00-da başlayacaq.
SPORTİNFO.AZ
