Azərbaycan Premyer Liqasında 2024/2025 mövsümünə start verilib.
turun açılış matçında son çempion "Qarabağ" "Araz-Naxçıvan"la üz-üzə gəlib.
“Liv Bona Dea Arena”dakı qarşılaşma Ağdam təmsilçisinin 4:1 hesablı qələbəsi ilə yekunlaşıb.
"Köhlən atlar"ın heyətində 6-cı dəqiqədə Redon Cica hesabı açıb. 3 dəqiqə sonra Riçard Almeyda fərqi iki topa çatdırıb.
47-ci dəqiqədə Hamidu Keyta qonaqların üstünlüyünü bir qədər də möhkəmləndirib.
Naxçıvan təmsilçisinin heyətində 86-cı dəqiqədə Nuno Rodriqes buraxılan qollardan birinin əvəzini çıxsa da, final fitinə iki dəqiqə qalmış adını tabloya yazdıran Abbas Hüseynov "Qarabağ"ın böyükhesablı qələbəsini rəsmiləşdirib.
“Liv Bona Dea Arena”, 600 tamaşaçı Baş hakim: Elçin Məsiyev Baş hakimin köməkçiləri: Elşad Abdullayev, Pərvin Talıbov Dördüncü hakim: Kamran Əliyev VAR: Rəşad Əhmədov AVAR: Eyyub İbrahimov Hakim-inspektor: Ömər Paşayev AFFA nümayəndəsi: Erkin Hüseynov Sarı vərəqələr: Nuno Rodriges, 74 (qeyri-idman hərəkəti) // Elvin Cəfərquliyev, 51, 78 (qeyri-idman hərəkəti) Qırmızı vərəqə: Elvin Cəfərquliyev, 78 Qollar: Nuno Rodriqes, 86 // Redon Cica, 7; Riçard Almeyda, 9; Hamidu Keyta, 47; Abbas Hüseynov, 88 Artırılan vaxt: I hissədə 1 dəq; II hissədə 2 dəq.
.png)
.jpg)
