“Ümid edirəm ki, mövsümün ikinci yarısında azarkeşləri sevindirəcəyik”.
Sportinfo.az xəbər verir ki, bunu “Neftçi”nin futbolçusu İvan Brkiç deyib.
Türkiyədə keçirilən qış təlim-məşq toplanışını dəyərləndirən xorvatiyalı qapıçı mövsümün ikinci yarısı üçün ümidli danışıb.
28 yaşlı qolkiper azarkeş dəstəyinin də onlar üçün vacib olduğunu vurğulayıb:
“Yalnız futbola köklənmək üçün hər cür şəraitimiz var. Çox çalışırıq və bu, əladır.
Azarkeşlər bizim 12-ci oyunçumuzdur. Onların komandamızı tribunadan dəstəkləməkləri çox xoşumuza gəlir”.
