“Neftçi” Türkiyənin Antalya şəhərindəki təlim-məşq toplanışını davam etdirir.
Sportinfo.az xəbər verir ki, Belek bölgəsindəki “Gloria Verde Resort” oteldə məskunlaşan “ağ-qaralar” bir məşqə çıxıb.
Əsasən toplu çalışmalara üstünlük verilən məşqdə zədəsini sağaltmış serbiyalı müdafiəçi Voislav Stankoviç də iştirak edib.
Hazırlığın bu gün iki məşqlə davam etdirilməsi planlaşdırılır.
Qardaş ölkədəki ilk yoxlama matçında Macarıstan “Vaşaş”ı ilə heç-heçə edən (1:1) “Neftçi” növbəti oyununu yanvarın 15-də Polşanın “Medz Leqnisa” klubuna qarşı keçirəcək.
Bakı vaxtı ilə saat 12:30-da “Gloria Golf Club”ın stadionunda start götürəcək görüş “Neftçi TV” vasitəsilə canlı yayımlanacaq.
Həmin gün keçirilməli olan digər matç – “Baçka Topola” (Serbiya) ilə oyun hazırkı vəziyyətdə futbolçuların zədələnmə ehtimalı nəzərə alınaraq məşqçilər korpusunun qərarı əsasında ləğv olunub.
