Azərbaycan yığmasının qapıçısı Aydın Bayramovun yeni mövsümə hansı klubda başlayacağı müəyyənləşib.
«Sumqayıt»da üçüncü sezonunu keçirən kiper «Neftçi» ilə anlaşıb.
Bakılılar 1 ildən artıqdır arxasınca düşdüyü «əlcək sahibi»ylə müqavilə şərtlərini razılaşdırıb. O, 3 il ağ-qara formanı geyinəcək.
Paytaxt təmsilçisi hələ 2022-ci ilin yanvarında Bayramovu sıralarına qatmağa çox yaxın idi.
Millinin ehtiyat üzvü elə o vaxt da «Neftçi»yə öz «ekey»ini vermişdi, sadəcə, klublar arasında danışıqlar təzminat məbləği səbəbindən baş tutmamışdı.
SPORTİNFO.AZ
