“Ümid edirəm ki, mövsümün ikinci yarısında azarkeşləri sevindirəcəyik”.
Sportinfo.az xəbər verir ki, bunu “Neftçi”nin kiperi İvan Brkiç deyib.
Türkiyədə keçirilən qış təlim-məşq toplanışını dəyərləndirən xorvatiyalı qapıçı mövsümün ikinci yarısı üçün ümidli danışıb.
28 yaşlı balkanlı azarkeş dəstəyinin də onlar üçün vacib olduğunu vurğulayıb:
“Yalnız futbola köklənmək üçün hər cür şəraitimiz var. Çox çalışırıq və bu, əladır.
Azarkeşlər bizim 12-ci oyunçumuzdur. Onların komandamızı tribunadan dəstəkləməkləri çox xoşumuza gəlir”.
“Neftçi” toplanış çərçivəsində ilk yoxlama görüşünü bu gün Macarıstan təmsilçisi “Vaşaş”a qarşı keçirəcək. Antalyadakı qarşılaşma Bakı vaxtı ilə saat 18:00-da başlayacaq.
