«Qarabağ»la «Krasnodar» arasında gedən danışıqlar son mərhələdədir.
Kadi Borges, böyük ehtimalla, ən qısa müddətdə Azərbaycana təşrif buyuracaq.
Braziliyalı vinger köhnə-yeni klubu ilə müqaviləyə imza atacaq və təlim-məşq toplanışının ilk mərhələsində iştirak edəcək. «Sambaçı»nın «köhlən atlar»la anlaşması 3 illik nəzərdə tutulub.
Rusiya klubu Azərbaycan çempionundan aldığı rəsmi təklifi dəyərləndirmək üzrədir.
Yerli premyerliqa təmsilçisi braziliyalı vingeri müəyyən təzminat qarşılığında buraxmağa hazırdır. Həmin məbləğ isə 1-1,2 milyon avro civarındadır.
«Krasnodar» 2023-cü ilin yanvarında 5 milyon avro qarşılığında sıralarına qatdığı «sambaçı»nın son satış qiymətini bu qədər müəyyənləşdirib.
Hərçənd «köhlən atlar» Kadinin dönüşünü daha aşağı rəqəmə gerçəkləşdirməyə çalışır.
Kadi Borges 2021-ci ilin yayından 2023-cü ilin yanvarına qədər “Qarabağ”da oynayıb. Rusiya klubu ilə müqaviləsi 2026-cı ilin iyun ayına qədər qüvvədədir.
O, son mövsüm Rusiyadakı bütün turnirlərdə 33 oyun keçirib, 4 qol və 3 məhsuldar ötürmə ilə yadda qalıb.
SPORTİNFO.AZ
.png)
.jpg)
