Azərbaycan millisinin hücumçusu Ramil Şeydayevin "Neftçi"yə keçidi iyulun 16-da rəsmiləşdi.
28 yaşlı hücumçu 3 illik müqavilə imzalandı. O, paytaxt təmsilçisinin heyətində 90 nömrəli formanı geyinəcək.
R.Şeydayevin son klubu Türkiyənin I Liqa təmsilçisi "Kocaelispor" olub.
Ramil Şeydayev daha əvvəl də üç dəfə Azərbaycan Premyer Liqasında oynayıb. 2017-18 və 2021-23-cü illərdə "Qarabağ", 2020-2021-ci ildə isə "Sabah"da çıxış edib.
Dünəndən bəri bəzi mətbu orqanlarda və sosial şəbəkələrdə yeni iddia irəli sürülüb. Bildirilib ki, Qurban Qurbanov yaxşı tanıdığı forvardı üçüncü dəfə «Qarabağ»a qaytarmağa çalışıb.
O da qeyd olunur ki, «köhlən atlar» bu niyyətlə «Kocaelispor»a müraciət edib. Fəqət, Türkiyənin aşağı liqa təmsilçisi millimizin hücumçusunu «Qarabağ»a havayı buraxmaq istəməyib.
Bildirək ki, bu, kökündən yanlış xəbərdir. Azərbaycan çempionu sabiq oyunçusuna dəvət göndərməyib. Klublar arasında da heç bir danışıqlar olmayıb, görüşmələr keçirilməyib.
Qurbanov «Qarabağ» rəsmiləri ilə söhbətlərinin heç birində Ramilin adını çəkməyib.
Şeydayev peşəkar karyerası ərzində "Zenit" (Rusiya), "Trabzonspor" (Türkiyə), "Jilina" (Slovakiya), "Krılya Sovetov" (Rusiya), "Dinamo" (Moskva, Rusiya), "Buriram Yunayted"də (Tayland) də forma geyinib.
SPORTİNFO.AZ
.png)
.jpg)
