"Qarabağ"ın U-16 futbol komandası Tallinndə turnirdə olduğu müddətdə qonaq nümayəndələrlə "Viimsi FK Qarabağ" (Tallinn) rəhbərliyi arasında işgüzar görüş keçirilib.
Görüş zamanı "Qarabağ" rəsmiləri ötən mövsümün yekunları üzrə komandanın nailiyyətləri və uğurları, yeni mövsümün hədəfləri və məqsədləri ilə tanış olublar.
Görüşdə Tallinndə "Qarabağ" futbol məktəbinin açılması, hər iki klubun birgə tədbirlər və aksiyalar vasitəsilə mübadiləsi, birgə əməkdaşlıq və "Qarabağ"dan dəstək göstərilməsi barədə müzakirələr aparılıb.
Hər iki klubun rəsmiləri komandalar arasında əməkdaşlığın hər iki tərəfə fayda gətirəcəyinə, Estoniyada futbol və futzalın inkişafına kömək edəcəyinə əmin olduqlarını bildiriblər.
HƏBİB / SPORTİNFO.AZ
