"Qarabağ"ın Avstriya toplanışı davam edir.
Artıq 4 gündür Tirolda məskunlaşan komandanın düşərgəsində gənc İbrahim Ramazanov da yer alıb.
Amma baş məşqçi Qurban Qurbanov hələ də istedadlı gənclə bağlı son qərarını verməyib.
Təcrübəli mütəxəssis yekun rəy üçün təlim-məşq toplanışının sonunu gözləməyi məqsədəuyğun hesab edib.
Yalnız onda İbrahimin komandada qalıb-qalmayacağı dəqiqləşəcək.
19 yaşlı gənc futbolçu "Qəbələ"nin yetirməsidir.
O, arxada qoyduğumuz mövsüm əsas komandada debüt edib.
2023/24 mövsümünün son 4 matçında meydanda olan İbrahim Qurban Qurbanovun diqqətini üzərinə çəkə bilib.
Çalışdırıcı onun performansını yaxından görmək üçün yeni mövsümə hazırlığın ilk günündən futbolçunu düşərgəyə dəvət edib.
İbrahim Ramazanov həm də gənclər millimizin üzvüdür.
XANOĞLAN / SPORTİNFO.AZ
