"Qarabağ"ın sabiq legioneri Kadi Borges "Krasnodar"dan ayrılıb.
Sportinfo.az xəbər verir ki, braziliyalı yarımmüdafiəçi "Ferentsvaroş"a keçib.
Bu barədə Macarıstan klubunun rəsmi saytı məlumat yayıb.
İlkin açıqlamada 28 yaşlı oyunçu ilə imzalanan müqavilənin müddəti barədə məlumat verilməyib.
Kadinin "Qarabağ"a keçəcəyi haqda da xəbərlər yayılmışdı.
Kadi Borges 2021-2023-cü illər ərzində "Qarabağ"da çıxış edib. O, 2023/24 mövsümündə Rusiya klubunun heyətində bütün turnirlərdə 33 oyun keçirib, 4 qol vurub, 3 qolun isə ötürməsini edib.
