"Qarabağ"ın legioneri Julio Romaonun "Ferentsvaroş"a transfer ola biləcəyi yenidən gündəmə gəlib.
Bu barədə Macarıstan mətbuatı məlumat yayıb.
"Csakfoci" portalı Macarıstan nəhənginin "Qarabağ"ın braziliyalı yarımmüdafiəçisini transfer siyahısına daxil etdiyini yazıb.
"Ferentsvaroş" ötən mövsüm Romaoya gözünü dikmişdi. Onun "Qarabağ"la müqavilə müddəti 2026-cı il iyunun 30-na qədərdir.
26 yaşlı futbolçu 2020-2022-ci ildə “Santa-Klara”da oynadıqdan sonra iki il əvvəl “Qarabağ”a keçib.
"Ferentsvaroş"un planı həyata keçməyəcək. Ağdam klubu artıq onları bu barədə bilgiləndirib. «Köhlən atlar» Romaonu satmağı planlaşdırmadıqlarını macarlara elan edib.
Baxmayaraq ki, "Ferentsvaroş"un təklif elədiyi təzminatın məbləği kifayət qədər böyükdür. Fəqət, 1 milyon avro "Qarabağ"ı şirnikləndirməyib.
SPORTİNFO.AZ
