"Qarabağ"ın zarafatcıl legioneri Kevin Medina yenə öz ampluasındadır.
Hazırda istirahətdə olan kolumbiyalı müdafiəçi bu dəfə Leandro Andradeni hədəfə alıb.
O, sosial şəbəkə hesabında paylaşım edərək "Qarabağ"dakı komanda yoldaşını Kriştiano Ronaldonun oğlu adlandırıb.
Belə ki, Leonun çimərlikdə çəkdirdiyi şəkildən yararlanaraq montaj üsuluyla onu dünya ulduzu ilə yanaşı qoyub.
Şəkillərin birində yanaşı əyləşiblər, digərində Andrade Ronaldonun qucağında "oturub", bir başqasında çimərlikdə ailəvi birlikdə "dincəliblər".
"Qarabağ"ın "15 nömrə"sinin Kevinin zarafatına necə qarşılıq verəcəyi maraqlıdır.
HƏBİB / SPORTİNFO.AZ
