“Neftçi”nin sabiq futbolçusu Əlibəy Məmmədli İstanbul Universitetində İqtisad elmləri üzrə fəlsəfə doktoru namizədi olub.
Sportinfo.az xəbər verir ki, bu barədə 25 yaşlı sabiq yarımmüdafiəçi özü sosial şəbəkədə paylaşım edib.
O, “Rəvan”, “Keşlə”, “Sabah”ın U-19 komandası, “Neftçi-2” və “Qaradağ-Lökbatan”da çıxış edib.
Futbolçu karyerasını 2021-ci ildə “Qaradağ Lökbatan” klubunda başa vurub. Məmmədli 21 yaşlılardan ibarət milli komandamıza da cəlb olunub.
