"Neftçi"nin səhifəsində gördüyüm bir cümlə çox xoşuma gəlmişdi.
Yazılmışdı ki, bizdə əsas məqsəd oyun yox, oyunçu qazanmaqdır. Bu cümlə mənə təsir etdi".
Sportinfo.az xəbər verir ki, bunu "Neftçi" Futbol Akademiyasının yeni direktoru Cemal Bülbül deyib.
"Neftçi" bu ilin iyulunda Cemal Bülbüllə 2 illik müqavilə bağlayıb. O, "Neftçi"yə gələnədək "Göztəpə"nin Matç və Performans Təhlili və Skautluq Departamentində çalışıb.
35 yaşlı mütəxəssis buradakı planlarından bildirib:
"İlk hədəfimiz futbolçuların "Neftçi"yə olan bağını möhkəmlətməkdir. Futbol həyatında 10-12 yaş aralığı önəmlidir.
Bu yaşda nə futbol öyrəndinsə, o sənin gələcəyini də təmin edir. 17-19 yaş aralığında bunu öyrənmək çox çətin olur".
