"Neftçi"nin qapıçısı İvan Brkiçin müqaviləsi mövsümün sonunda başa çatacaq.
Xorvatiya mətbuatı iddia edib ki, "ağ-qaralatr" 27 yaşlı "əlcək sahibi"ni komandada saxlamaq istəyir.
Xəbərdə qeyd olunub ki, paytaxt təmsilçisi xorvatiyalı qolkiperə yeni sözləşmə təklifi irəli sürüb.
Lakin…
Redaksiyamıza daxil olan məlumata görə, bakılılar balkanlı legionerlə danışıqlar masası arxasına əyləşməyib. Hazırda onunla kontraktın uzadılması gündəmdə deyil.
İvan Brkiç bu ilin yanvar ayından "Neftçi"dədir. Cari mövsümdə Bakı klubunun heyətində 16 matçda meydana çıxıb. O, 6 dəfə qapısını toxunulmaz saxlamağı bacarıb.
SPORTİNFO.AZ
