"Neftçi"nin yarımmüdafiəçisi Fərid Yusiflidən üzücü xəbər var.
Belə ki, gənc futbolçunun zədəsi ciddidir. Onun əməliyyat olunması gözlənilir.
20 yaşlı futbolçunun ili başa vurduğu dəqiqləşib.
"Neftçi"nin yetirməsi Premyer Liqanın 17-ci turunun "Turan Tovuz"la baş tutan səfər görüşündə (0:1) ciddi zədə alıb.
Oyuna davam edə bilməyən orta xətt oyunçusu 45-ci dəqiqədə yerini Mert Çelikə verməli olmuşdu.
İstedadlı gənclərdən sayılan Fərid bu mövsüm Premyer Liqanın 10 görüşündə ağ-qara formada meydana çıxıb.
Yusifli həm də gənclər millimizin üzvüdür.
XANOĞLAN / SPORTİNFO.AZ
