“Son oyunlarda nəticələr istədiyimiz kimi deyil.
Vəziyyətimizi yaxşılaşdırmaq üçün bura qələbə dalınca gəlmişdik”.
“Neftçi”nin qapıçısı İvan Brkiç Sportinfo.az-a verdiyi açıqlamada “Turan Tovuz”la matçı şərh edib.
“Ağ-qaralar” bölgədə 1:0 hesablı qələbəyə sevinsə də, komandanın sərgilədiyi oyun istənilən səviyyədə deyildi.
Meydan sahibləri yaratdığı çoxsaylı qol imkanlarını dəyərləndirə bilsəydi, “Neftçi” nəinki 3 xal, 1 xal da qazana bilməyəcəkdi.
Xorvatiyalı kiperi dinləyək:
“Turan” qol fürsətlərini dəyərləndirə bilsəydi, bəlkə də qələbə onların olacaqdı. Yaxşı ki, şansları qaçırdılar (gülür).
Həmin anda şans tərəfimizdə olduğuna görə Allaha təşəkkür etdim. Yaxşı ki, penaltidən də olsa, qələbə topunu vura bildik”.
İvan Brkiç cari mövsümdə Premyer Liqada 9 oyuna çıxıb.
HƏBİB
