.jpg)
"Neftçi"nin müdafiəçisi Solomon Kverkveliya yeni təklif alıb.
Yayda bakılılarla ikiillik müqavilə imzalayan gürcüstanlı legionerin qış fasiləsində buradan ayrılması gündəmə gəlib.
Tbilisi «Dinamo»su onun xidmətində maraqlıdır.
Onun bunadək son klubu "Qaqra" olub. Daha əvvəl Rusiyada "Zenit", "Rubin", "Lokomotiv" (Moskva), "Rotor", həmçinin, Ukraynada "Metalist" kimi komandaların formasını geyinib.
Gürcüstan yığmasının üzvü Lorentsiu Regekampfla yola getmir. İyuldan ölkəmizdə çıxış edən müdafiəçi ötən müddət ərzində dəfələrlə baş məşqçi ilə toqquşub.
Rumıniyalı sükançının taktiki, həmçinin heyət seçimlərinə etiraz bildirən Solomon artıq əsas heyət üzvü sayılmır.
SPORTİNFO.AZ
