"Bəzi matçlarda vacib xallar itirdik. Bunu istəməzdik.
Ümumi götürsək, oynamadığım dönəmdə komandamın performasını yaxşı dəyərləndirirəm".
Sportinfo.az xəbər verir ki, bu fikirləri "Neftçi"nin futbolçusu Eddi İsrafilov komandasının Azərbaycan Premyer Liqasındakı çıxışı barədə danışarkən deyib.
Zədəsini sağaldan 30 yaşlı yarımmüdafiəçi hazırda özünü yaxşı hiss etdiyini bildirib:
"Məşqlərdə iştirakı səbirsizliklə gözləyirdim. Artıq komanda ilə birlikdəyəm. Baş məşqçi şans versə, kömək etməyə hazıram".
İsrafilov XV turda "Səbail"lə görüşün asan olmayacağını söyləyib:
"Rəqib yaxşı heyətə malikdir. Amma bizim adımız "Neftçi"dir və qarşıdakı matçda qələbə qazanmağa çalışacağıq".
Noyabrın 27-də keçiriləcək "Neftçi" - "Səbail" görüşü saat 16:00-da başlayacaq.
