Premyer Liqanın ilk yarısını bərbad keçirən «Neftçi» səbirsizliklə qış fasiləsinin elan olunmasını gözləyir.
Bunun üçün ən çox səbirsizlənən SOCAR-dır. Neft şirkəti himayəsindəki kluba əlavə vəsait ayırıb.
Büdcə, nə büdcə! Burada 3 milyon manat civarında məbləğdən söhbət gedir. Göstərilən rəqəm sırf yeni transfer çalışmaları üçün nəzərdə tutulub.
Paytaxt təmsilçisindən Sportinfo.az-a verilən məlumata görə, klub rəhbərliyi hazırda heyəti gücləndirmək üzərində fəal iş aparır.
İdman direktoru Zaur Əzizov xeyli sayda legioner arasında seçim edir. Bu səlahiyyət ondadır.
Hər şey plan üzrə getsə, «ağ-qaralar» yeni ildə minimum 4 əcnəbi futbolçu ilə güclənəcəK.
