Bazar günü turun mərkəzi qarşılaşması “Neftçi”ylə “Sabah” arasında baş tutacaq.
Premyer Liqanın turnir cədvəlində qonşu olan, çempionluq yolunda “Qarabağ”a güc göstərmək istəyən komandaların növbəti duelindən kimin qalib ayrılacağını oktyabrın 23-ü saat 20.20-də biləcəyik.
Matçın əhəmiyyətini nəzərə alaraq hər iki komandanın bir futbolçusundan oyunla bağlı açıqlama almaq istəsək də, plan baş tutmadı.
Klubların mətbuat katibləri prinsipial duelə 2 gün qalmış mətbuata açıqlama verməyə qadağa qoyulduğunu bildirdi.
“Neftçi”də baş məşqçi Laurentsiu Regekampf qadağanı bu gündən qoyubsa, “Sabah”da yazılmamış qanun var: oyuna 3 gün qalmışa qədər danışa bilərsiniz.
Oktyabrın 23-də “Bakcell Arena”da baş tutacaq “Neftçi” – “Sabah” qarşılaşması saat 18.30-da başlayacaq.
10 oyundan sonra “Sabah” topladığı 25 xalla turnir cədvəlinin 2-ci pilləsində yer alıb. “Neftçi” 22 xalla 3-cü sıradadır.
HƏBİB / SPORTİNFO.AZ
