"Aris"in futbolçusu Karol Struski "Neftçi"yə qarşı keçirəcəkləri UEFA Konfrans Liqasının II təsnifat mərhələsinin oyunlarında iştirak etməyəcək.
Sportinfo.az xəbər verir ki, 21 yaşlı yarımmüdafiəçi Ukrayna "Dnepr"inə 4:2 hesabı ilə qalib gəldikləri yoxlama matçında zədələnib.
Körpücük sümüyü sınan polşalı oyunçu əməliyyat olunub. Struskinin təxminən üç aya yaxın yaşıl meydanlardan kənarda qalacağı gözlənilir.
"Neftçi" "Aris"lə ilk oyununu iyulun 21-də səfərdə, cavab görüşünü isə iyulun 28-də evdə keçirəcək.
