"Biz kimik? Futbolçuların maaşları verilməlidir"

25 Mart 19:02 Azərbaycan Futbolu 344
"Biz kimik? Futbolçuların maaşları verilməlidir"

Koronavirusun dünya ölkələrində sürətlə yayılması, 1 aylıq fasilə verilən ölkə çempionatlarının yenidən bərpasını sual altına alır.

Hətta bəzi federasiyalar hazırkı turnir cədvəlinə görə çempionun və avrokuboklara gedəcək klubların müəyyən olunması ehtimalını müzakirə edir.

Belə olarsa, bu, nə dərəcədə ədalətli görünəcək? AFFA Məşqçilər Komitəsinin üzvü Ağasəlim Mircavadov Sportinfo.az-a bunları dedi:

"Bu xəstəliyə görə dünya dayanıb. Dünya dayanandan sonra biz kimik? Səslənən təklif idman prinsipləri baxımından doğru deyil, ancaq hazırda futboldan çox, Azərbaycan xalqının sağlamlığını düşünməliyik.

Bunu düşünüb mübarizə aparmalıyıq. Avropa ölkələrinə baxıb adam dəhşətə gəlir. İtaliyada bir gündə 600-dən artıq adam ölüb. Futbol hazırda öndə olan məsələ deyil. Bəla qurtarandan sonra müzakirələr aparılıb, qərarlar verilər".

Mircavadov futbolçuların fasilə müddətində maaşlarının dondurulmasını isə doğru saymır: "Mən elə başa duşurəm ki, maaşlar verilməlidir. Çünki bu, futbolçuların günahından yox, dünyada baş verən bir bəladır".

Digər Xəbərlər
Xəbər Lenti
7 İyul 11:48 Bu iş Bravo ilə olur!
7 İyul 01:52 Məşhurun evi soyuldu