Azərbaycan komandası Tokio-2020-də günü 1 medalla başa vurdu

30 Avqust 23:40 Tokio-2020 325
Azərbaycan komandası Tokio-2020-də günü 1 medalla başa vurdu

Azərbaycanın daha 5 paralimpiyaçısı Tokio-2020 Yay Paralimpiya Oyunlarında mübarizə aparıb.

Sportinfo.az xəbər verir ki, yarışın 6-cı günündə 3 atlet və 2 pauerliftinqçi qüvvəsini sınayıb.

Uzunluğa tullanma növündə Səid Nəcəfzadə 7,03 metrlik nəticə ilə bürünc medal qazanıb. Kamil Əliyev isə 6.89 metr nəticə göstərərək, yarışı 5-ci yerdə tamamlayıb.

Komandanın bayraqdarı Oloxan Musayev disk atma növündə çıxış edib. 37.92 metr nəticəyə imza atan idmançı paralimpiadanı 7-ci pillədə başa vurub. Musayev daha əvvəl nüvə itələmədə 5-ci yeri tutub.

Pauerliftinqçilərdən Elşən Hüseynov (107 kq) və Şamo Aslanovun (+107 kq) da çıxışları uğursuz alınıb. Hər iki idmançı yekunda 8-ci olub.

Aktivində 9 qızıl və 4 bürünc medal olan Azərbaycan komandası medal sıralamasında 3 pillə geriləyərək, 10-cu sırada qərarlaşıb.

Xəbər Lenti
20 Oktyabr 23:00 Bu, "Qarabağ"a yaraşmadı
20 Oktyabr 17:40 Rahat yat, qardaş!
20 Oktyabr 16:00 Samir Abasovun Kane israrı