“Qarabağ”ın əfsanəsi Maksim Medvedev futbolçu karyerasını başa vurdu.
Top dalınca qaçdığı dönəmdə “Qarabağ”dan başqa heç bir komandanın şərəfini qorumayan 34 yaşlı müdafiəçi butslarını mismardan asmağı qərara aldı.
81 oyunda Azərbaycan millisinin formasını geyinmiş Medvedevin yoxluğu özünü göstərəcək. Son illər əsas heyət üzvü sayılmasa da, kollektivin daxilində olması “Qarabağ” üçün böyük üstünlük idi.
2012-ci ildən Maksimlə komanda yoldaşı olmuş Bədavi Hüseynov Sportinfo.az-a açıqlamasında səbəbkarla bağlı fikirlərini dilə gətirib:
“Maksim bizim böyük qardaşımız, “Qarabağ”ın siması idi. Karyerasını başa vurmağı qərara aldı. Hər bir futbolçuya karyerasını bu cür bitirməyi arzulayıram.
10 ölkə çempionluğu, 6 ölkə kuboku. Karyerasında 16 titul var, avrokuboklarda zəngin təcrübəyə malikdir. Futbol belədir, vaxtı gələndə vidalaşırsan. O gün hamımızı gözləyir.
Futbolçular Maksimdən nümunə götürməlidir. “Qarabağ”da onun yeri çox görünəcək”.
Maksim Medvedev ağdamlıların şərəfini qoruduğu 552 matçda 17 qolla yadda qalıb.
HƏBİB
.png)
.jpg)
