“Mövsümü iki titulla başa vurmaq hər birimizi sevindirir.
Çox yaxşı mövsüm keçirdiyimizi deyə bilərəm”.
Bu sözləri Sportinfo.az-a açıqlamasında “Qarabağ”ın müdafiəçisi Bədavi Hüseynov deyib.
Premyer Liqada çempionluğu sona 8 tur qalmış rəsmiləşdirən “köhlən atlar” Azərbaycan kubokunu qazanmaq üçün ciddi çətinliklə üzləşdi.
“Zirə”ylə oyun gözləniləndən qat-qat ağır keçdi. Rəqib hesabı bərabərləşdirmək üçün real imkanlar yaxalasa da, yekunda “Qarabağ” 2:1 hesabı ilə qalib gəldi.
32 yaşlı müdafiəçi qarşıdakı hazırlıq dönəmi barədə danışıb:
“Yaxşı, eyni zamanda ağır mövsüm keçirdik. Oyunların sayı həqiqətən çox idi.
Bir az istirahət edib geri qayıdacağıq. Növbəti mövsümdə bizə böyük ümidlər bəsləyirlər.
Bilirəm ki, avrokuboklarda azarkeşlərin gözləntiləri böyükdür. O vaxta qədər maksimum forma yığmaq üçün var gücümüzlə çalışmalıyıq”.
HƏBİB
.png)
.jpg)
