“Onların büdcəsi bizim büdcəmiz qədər deyil, amma çıxışlarını görürsünüz. Rəşad Sadıqov çox böyük iş gördü”.
Sportinfo.az xəbər verir ki, bu sözləri “Qarabağ”ın baş məşqçisi Qurban Qurbanov deyib.
Təcrübəli mütəxəssis Azərbaycan Kubokunun finalında “Zirə”yə 2:1 hesabı ilə qalib gəldikləri matçdan sonra rəqib komandanı və baş məşqçisi Rəşad Sadıqovu tərifləyib.
Q.Qurbanov “Rəşad Sadıqovun komandasının sizi udması üçün neçə il lazımdır” sualına belə cavab verib:
“Bu suala necə yanaşım bilmirəm. Hesabda uduzdular, amma...
Ölkə çempionatına baxsaq, iddialı komandalarımız 3-4-cü yerləri tutdu, Rəşad Sadıqovun komandası isə ikinci yeri…
Dərindən düşünsək, çox böyük iş gördü. Bu gün də bu büdcə ilə ikinci olub, kubokda finala çıxdılar, son dəqiqələrdə uduzdular.
Bu qalibiyyət kimi nəticədir. “Zirə”nin fəaliyyətinə, büdcəsinə görə bəlkə də Rəşad bizə qalib gəldi”.
