Premyer Liqanın XI turunda "Neftçi" üzərində əzmkar qələbəyə görə "Keşlə" futbolçularının alacağı pul mükafatının məbləği bəlli olub.
Sportinfo.az-ın əldə etdiyi məlumata görə, komandaya ümumilikdə 30 min manat "premya" veriləcək. Bu isə o deməkdir ki, hər futbolçuya təqribən 1000-1200 manat (əsas heyətdə və ehtiyatda qalmasından asılı olaraq) pul düşəcək.
Qeyd edək ki, "Keşlə"nin Müşahidə Şurasının sədri Zaur Axundov dünən "Neftçi"ni 2:1 hesabı ilə məğlub etdikləri oyundan sonra jurnalsitlərə açıqlamasında komandaya mükafat veriləcəyini bildirmişdi.