Ayxan Abbasovun işsiz günləri qısa müddətdə sona çata bilər.
Əldə etdiyimiz məlumata görə, təcrübəli mütəxəssisin xidmətində maraqlı olan klublar var.
Söhbət Azərbaycan Premyer Liqasının iki təmsilçisindən gedir.
Əgər danışıqlar müsbət yekunlaşsa, Abbasov yeni mövsümdə də iş başında olacaq.
43 yaşlı mütəxəssis son iki sezonu "Turan Tovuz"un sükanı arxasında olub.
Onunla 5 gün əvvəl heç bir əsas olmadan klub rəhbəri Ehtiram Quliyevin istəyilə yollar ayrılıb.
Çalışdırıcı daha əvvəl "Zirə" və "Sumqayıt" komandalarını çalışdırıb.
XANOĞLAN / SPORTİNFO.AZ