2 həftəyə yaxındı "Bursaspor"a transfer olunan Namiq Ələsgərov yeni klubunda hələ də debut edə bilməyib. Buna mane olan səbəb hücumçunun transfer vərəqəsinin sabiq klubu "Neftçi" tərəfindən Türkiyə təmsilçisinə göndərilməməsi idi.
Sportinfo.az-ın əldə etdiyi məlumata görə, artıq bu problem də öz həllini tapıb. "Neftçi" tərəfinin lazımsız bütün cəhdlərinə baxmayaraq sonda FİFA Namiqin "Bursaspor"a transferinə icazə verib.
Bununla da futbolçumuzun "Bursaspor"da debüt etməsi üçün heç bir maneə qalmayıb.
Ələsgərovu 28 avqust üçüncü tur çərçivəsində baş tutacaq "Bursaspor" - "Eyüpspor" qarşılaşmasında meydanda görə bilərik.