İngiltərə mətbuatı 2003-cü ilin avqustunda "Mançester Yunayted"ə transfer edilən Kriştiano Ronaldo ilə bağlı maraqlı video paylaşıb.
Sportinfo.az xəbər verir ki, Portuqaliya millisinin lideri 16 il əvvəl noyabrın 1-də "qırmızı şeytanlar"ın heyətində ilk qolunu vurub.
Premyer Liqanın 11-ci turu çərçivəsində "Portsmut"la matçda meydana 75-ci dəqiqədə daxil olan gələcəyin superulduzu az sonra sol cinahdan yerinə yetirdiyi cərimə zərbəsilə adını tabloya yazdırıb - 2:0.
Karyerasını "Yuventus"da davam etdirən 34 yaşlı forvard Mançester klubunun heyətində 2009-cu ilin yayına qədər oynayıb və 292 oyuna 118 qol vurub.