"Geryenin gəlmək istəyində olmasından məlumatlı deyiləm".
Bu sözləri Sportinfo.az-a açıqlamasında "Qarabağ"ın direktoru Əmrah Çəlikəl deyib.
O, Donald Geryenin "Neftçi"dən ayrıldıqdan sonra Ağdam klubuna qayıtmaq fikrinə düşməsinə münasibət bildirib. 2017-2019-ci illərdə "köhlən atlar"ın şərəfini qoruyan haitili müdafiəçiyə, deyəsən, hələ bir müddət gözləmək lazım gələcək:
"Onun adının "Qarabağ"la hallanmasını mediadan mən də görürəm. Gerye ilə bağlı ona hansısa müraciətimiz və ya görüşümüz olmayıb. Hal-hazırda bütün diqqətimizi qarşıdakı oyunlara yönəltmişik. Çempionatın bundan sonrakı taleyini düşünürük".