Premyer Liqanın 21-ci turu bəzi futbolçular üçün tamaşa meydanı olacaq.
Cəzalı duruma düşən 11 futbolçu meydana çıxmaqdan məhrumdur.
Bu, mövsümün startından bu yana ilk belə haldır. İndiyə qədərki 20 turun heç birində birdən-birə bu sayda cəzalı olmamışdı.
Ən ağır zərbə bölgə təmsilçilərinə dəyib ki, “Qəbələ” 5, “Kəpəz” 3 futbolçusunun xidmətindən yararlana bilməyəcək.
Ümumi siyahı belədir:
Zurab Oçiqava, Əyyub Allaş, Gilad Abramov, Asif Məmmədov, Ürfan Abbasov (“Qəbələ”), Yeqov Xvalko, Mate Kvirkviya, Elmir Tağıyev (“Kəpəz”), Elvin Cəfərquliyev (“Qarabağ”), Azər Salahlı (“Neftçi”), Elvin Camalov (“Sabah”).
Fevralın 3-də “Səbail” – “Qarabağ”, “Sabah” – “Turan Tovuz”, ertəsi “Qəbələ” – “Zirə”, “Sumqayıt” – “Neftçi”, fevralın 5-də “Kəpəz” – “Araz-Naxçıvan” görüşləri baş tutacaq.
HƏBİB / SPORTİNFO.AZ
