Minifutbol üzrə növbəti ölkə çempionatında necə klubun çıxış edəcəyi hələ dəqiqləşməyib.
Bu barədə Sportinfo.az-a Azərbaycan Minifutbol Federasiyasının (AMF) mətbuat xidmətinin rəhbəri Sərxan Abışov məlumat verib.
Onun bildirdiyinə görə, qeydiyyat prosesi oktyabrın sonunadək davam edəcək.
AMF-nın press-ateşesi gələn ay startı veriləcək birincilikdə yarışmaq istəyən komandaların kifayət qədər çox olduğunu söyləyib.
«Birbaşa Bakı» ötən sezonun qalidi adını qazanıb. «Zirə» gümüş, «Zəngəzur» bürünc medalları əldə edib.
