Özbəkistanın paytaxtı Daşkənddə FIFA-nın Avropa və Mərkəzi Asiya üzrə üzv assosiasiyaları arasında əməkdaşlıq və bilik mübadiləsi seminarı keçirilib.

Sportinfo.az xəbər verir ki, AFFA-nın baş katibi Sərxan Hacıyev seminarla bağlı federasiyanın yutub kanalına fikirlərini bildirib:

“Bu tədbir onunla xüsusidir ki, Avropa və Asiya federasiyaları burada iştirak edir. İki müxtəlif kontinent təcrübələrini bir-biriləri ilə bölüşürlər.

Birmənalı şəkildə demək olar ki, bu cür tədbirlər futbolun inkişafına gətirib çıxaracaq. AFFA adından FIFA-ya, Özbəkistan Futbol Federasiyasına minnətdarlığımı bildirirəm.

Federasiya olaraq öz tərəfimizdən infrastruktur layihələri ilə bağlı təcrübələrimizi bölüşdük.Həmçinin, digər federasiyalardan müəyyən təcrübə topladıq”.