![Ötənlərin məşhur hücumçusu Bakıya da gələcək](https://www.sportinfo.az/media/2024/02/28/dahl_thomasson_2021.jpg)
İsveç millisinin yeni baş məşqçisi müəyyənləşib.
Sportinfo..az xəbər verir ki, bu vəzifəyə Yon-Dal Tomasson təyin edilib.
Onun müqaviləsi 2026-cı ildə keçiriləcək dünya çempionatının seçmə mərhələsi başa çatana qədərdir. Milli uğur qazanacağı təqdirdə, müqavilə avtomatik olaraq daha iki il müddətinə uzadılacaq.
İsveç yığması UEFA Millətlər Liqasının C Liqasının 1-ci qrupunda Azərbaycan, Estoniya və Slovakiya ilə qarşılaşacaq. Turnirin oyunlarına sentyabrda start veriləcək.
2020-2021-ci illərdə Yon-Dal Tomasson İsveçin "Malmö" klubunu çalışdırıb.
Danimarkalı mütəxəssisin rəhbərliyi altında komanda iki dəfə İsveç çempionu olub və Çempionlar Liqasının qrup mərhələsinə yüksəlib.
2022-ci ildən o, fevralın əvvəlinə kimi Çempionşipdən "Blekbern"in baş məşqçisi idi.