"Qarabağ"ın hücumçusu Olavio Juninyo Çempionlar Liqasının təsnifat mərhələsinin ilk iki turundan sonra bombardirlər siyahısında TOP-5-liyə düşüb.
Sportinfo.az xəbər verir ki,siyahıya Farer adalarından "Klaksvik"in hücumçusu Arni Frederiksberq başçılıq edir.
32 yaşlı hücumçu bu mövsüm ÇL-də keçirdiyi 4 matçda 5 dəfə rəqib qapılarına yol açıb.
İkinci yeri isə hərəyə 4 qol vurmuş (2 oyuna) "Fənərbaxça"nın hücumçusu Edin Ceko ilə "Qarabağ"lı Juninyo bölüşdürür.
Braziliyalı forvard ÇL-in ikinci təsnifat mərhələsində "Linkoln"a (Cəbəllütariq) hər iki matçda fərqlənib (1 qol və het-trik).
TOP-5-i hərəyə 3 qol vurmuş Xesus İmas ("Yaqelloniya" Polşa) və David Mikulesku (FKSB, Rumıniya) qapayır.
