Çempionlar Liqasının 1/8 final mərhələsinə start verilib.
PSJ "Bavariya"nı, "Milan" isə "Tottenhem"i qəbul edib.
Sportinfo.az xəbər verir ki, Çempionlar Liqasında matçlar öncə Türkiyə və Suriyada baş verən zəlzələdə həlak olanlara ehtiram əlaməti kimi onlar bir dəqiqəlik sükutla yad edilib.
Futbolçular meydançaya çıxankən və sükut anında türk və ərəb dilində “Biz sizinləyik” pankartı açılıb. Tribunalarda Türkiyə və Suriya bayraqları dalğalanıb.
"Bavariya" səfərdə PSJ-ni 1:0, "Milan" isə öz meydanında "Tottenhem"i 1:0 hesabı ilə məğlub edib.