Millimizin sabiq baş məşqçisi Robert Prosineçki yenidən yığmamıza qayıdacağı ilə bağlı yayılan xəbərlərə münasibət bildirib.
Sportinfo.az xəbər verir ki, bosniya və herseqovinalı mütəxəssis ölkəsinin mətbuatına açıqlamasında millimizdə çalışacağını istisna etməyib: "Hər şey mümkündür, görəcəyik. Azərbaycan millisində daha böyük nəticələr əldə etmək üçün hər cür şərait var".
Qeyd edək ki, ötən ay Bosniya və Herseqovina millisindən ayrılan Robert Prosineçki 2014-2017-ci illərdə Azərbaycan yığmasını çalışdırıb.

