Ötən ay milli komandamızdan istefaya göndərilən Nikola Yurçeviç Azərbaycanla vidalaşıb. Sportinfo.az xəbər verir ki, bununla bağlı şəxsi "facebook" səhifəsində paylaşım edən xorvatiyalı mütəxəssis hamıya təşəkkürünü bildirib:
"Avropa çempionatının son seçmə mərhələsində Azərbaycan millisinə başçılıq etmək mənim üçün böyük təcrübə oldu. Bunun hər bir anından zövq aldım. Hər kəsə - oyunçulara, köməkçilərimə, azarkeşlərə və AFFA-ya təşəkkür etmək istəyirəm. İndi isə qarşıdakı yeni çağırışlara baxmaq vaxtıdır".
Qeyd edək ki, millimizin Yurçeviçin başçılığı altında seçmə mərhələni 1 xalla başa vurub.