Azərbaycan millisinin futbolçusu Rüfət Dadaşov karyerasını Vyetnamın "Nam Din” klubunda davam etdirməyəcək.
Sportinfo.az xəbər verir ki, bunu apasport.az-a hücumçunun özü açıqlayıb.
Almaniyada - "Proyssen”də çıxış edən forvard Asiya təmsilçisinə keçidi ilə bağlı yayılan şayiələrə münasibət bildirib. R.Dadaşov belə məlumatların əsassız və həqiqətdən uzaq olduğunu qeyd edib: "Xeyr, Vyetnam klubuna keçməmişəm. Bunu kim yazıb, bilmirəm".
28 yaşlı hücumçunun "Proyssen Münster"lə müqaviləsi mövsüm sonunda başa çatacaq.

