Azərbaycan Premyer Liqasında XI tur davam edir.
Sportinfo.az xəbər verir ki, turnir cədvəlində qonşular “Keşlə” və “Sabah” “ASK Arena”da üz-üzə gəlib.
54-cü dəqiqədə meydan sahibləri azlıqda qalıb. 10-cu dəqiqədə ilk sarı vərəqəni qarşısında görmüş Con Kamara “qırmızı“ alaraq, meydandan qovulub. 4 dəqiqə sonra qonaqlar Kevin Kubembanın qolu ilə hesabı açıb.
85-ci dəqiqədə isə Sezar Meza Kolli tarazlığı bərpa edib. 72-ci dəqiqədə Ruslan Əmircanovlv əvəzlənmiş İlkin Qırtımov baş hakim İnqilab Məmmədov tərəfindən 86-cı dəqiqədə ikinci sarı vərəqəni "hədiyyə alıb".
Baş məşqçi Yunis Hüseynov vitse-kapitanla bu haqda danışacağını söyləyib: "Komandamızın xüsusi kodeksi var. Hər bir futbolçu bunu oxuyub və qol çəkib. Cərimə nədirsə, onu da ödəyəcək".