.jpg)
Avqustun 27-də Avropa Liqasının I təsnifat mərhələsində “Laçi”ni (Albaniya) qəbul edəcək “Keşlə” itki ilə üzləşib.
Sportinfo.az xəbər verir ki, yarımmüdafiəçi Şahrux Qadoyev Azərbaycan Premyer Liqasının I turunda “Sumqayıt”la oyunda zədələnib.
Sumqayıtdakı qarşılaşmanın ikinci hissəsində rəqibin kobudluğuna məruz qalan özbəkistanlı futbolçu xəsarət alsa da, qısa müddət mübarizəni davam etdirib.
71-ci dəqiqədə Artur Batista ilə əvəzlənən Qadoyevin məhz zədə səbəbindən meydanı tərk etdiyi müəyyənləşib. 29 yaşlı oyunçunun durumu hələlik qeyri-müəyyən olsa da, zədənin ciddi olmadığı ehtimal edilir.
“Keşlə” səfərdə “Sumqayıt”ı Azər Salahlının 90+4-cü dəqiqədə vurduğu qol sayəsində 1:0 hesabı ilə məğlub edib.
.jpg)
