Şamaxı şəhər stadionunda tribunaların sayı artırıla bilər.
Sportinfo.az xəbər verir ki, bu barədə jurnalistlərə AFFA-nın baş katibinin müavini Kamran Vəliyev açıqlama verib.
O, gələcəkdə ehtiyac olarsa, belə bir variantın mümkünlüyünü dilə gətirib: "Qapılar arxasında yerlər var. Burada tribuna inşa etmək imkanı mümkündür. Bu, uzunmüddətli gələcəyin planlarıdır".
Şamaxı şəhər stadionundakı ilk oyun Azərbaycan Premyer Liqasının XXII turunda "Şamaxı" və "Neftçi" arasında olub. Qarşılaşma paytaxt klubunun 2:1 hesablı qələbəsi ilə yekunlaşıb.