.jpg)
"Qarabağ" adı neçə illərdi onun gücünü göstərir.
Bu rəqib haqqında nəsə deməyə, müzakirə etməyə ehtiyac yoxdur".
Bunu Sportinfo.az-a açıqlamasında qarşıdakı tur qarşılaşacaqları "Qarabağ"la oyun haqqında danışan "Keşlə"nin müdafiəçisi Tərlan Quliyev deyib.
Paytaxt klubu ilk dövrənin qarşılaşmasında vitse çempionla bərabərə (1-1) qalmağı bacarmışdı. Quliyev eyni uğuru təkrarlamağın çox çətin olacağı qənaətindədir:
"Çətin oyun olacaq. Düzdü, öz meydanımızda "Qarabağ"dan xal almağı bacarmışdıq. Amma Qurban müəllimi azdan-çoxdan tanıyan biri kimi deyə bilərəm ki, bu görüşə çox ciddi çıxacaq.
Son oyunlarda da qələbələri sıralaya-sıralaya gedirlər. Meydanda çox güc sərf etməli olacağıq".
Arxada qalan tur "Keşlə" gözlənilmədən 2:0 geridə olduğu matçda "Neftçi"ni məğlubiyyətə (3:1) uğratmağı bacardı. Təcrübəli oyunçu məhz həmin nəticənin "Qarabağ"la oyunöncəsi komandaya müsbət enerji verdiyini düşünür:
"Neftçi" üzərində qələbədən sonra komandamızda güclü inam yaranıb. Heyətimizdə bəzi itkilər var. İnşallah, mənfi təsirini göstərməz. Yaxşı nəticə qazanmağa çalışacağıq".
.jpg)
