“Bavariya” “Barselona”nı gecə qrupda saxlayacaq? - Çempionlar Liqasında bu gün

8 Dekabr 2021 15:40 Çempionlar Liqası 468
“Bavariya” “Barselona”nı gecə qrupda saxlayacaq? - Çempionlar Liqasında bu gün

Bu gün Çempionlar Liqasında qrup mərhələsinə yekun vurulacaq.

Sportinfo.az xəbər verir ki, ikinci oyun günündə E, F, G və H qrupunun görüşləri keçiriləcək.

Bununla da həm 1/8 final mərhələsinə, həm də Avropa Liqasının pley-offuna vəsiqə qazanan bütün komandalar müəyyənləşəcək.

Gecənin ən maraqlı və prinsipial matçlarından biri E qrupunda olacaq. Növbəti raunda vəsiqəni təmin etmiş "Bavariya" ikinci yer uğrunda mübarizə aparan "Barselona"nı qəbul edəcək.

Qrupun digər oyununda "Benfika" Portuqaliyada heç bir iddiası qalmayan "Dinamo"nu (Kiyev) sınağa çəkəcək.

Lissabon təmsilçisi bu görüşdə xal itirərsə, kataloniyalılar öz oyununun nəticəsindən asılı olmayaraq mərhələ adlayacaqlar. Xallar bərabər olacağı halda isə "Benfika" 1/8 finala, "Barselona" isə Avropa Liqasına yollanacaq.

F qrupunda 1/8 finala çıxması dəqiqləşən "Mançester Yunayted" İsveçrə "Yanq Boyz"u ilə qarşılaşacaq.

"Vilyarreal" isə İtaliyada "Atalanta" ilə münasibətlərinə aydınlıq gətirəcək. Qonaqlar uduzmayacağı təqdirdə növbəti mərhələyə vəsiqə qazanacaq.

G qrupunda "Sevilya" Avstriyada "Zaltsburq"la, "Lill" isə Almaniyada "Volfsburq"la üz-üzə gələcək. 4 komandanın hər birinin növbəti mərhələ şansları qaldığından bütün suallara bu turda aydınlıq gələcək.

Almaniya və İspaniya təmsilçiləri yalnız qələbə sayəsində 1/8 finala yüksələ bilərlər. Avstriya və Fransa klublarını isə heç-heçə də qane edəcək.

H qrupunda "Yuventus" "Malmö"nü, "Çelsi" isə "Zenit"i sınağa çəkəcək. Burada həm 1/8 finalın, həm də Avropa Liqasının pley-off mərhələsinin iştirakçıları bəlli olduğundan əsas mübarizə qrup liderliyi uğrunda gedəcək.

Bunadək PSJ, "Mançester Siti", "Liverpul", "Mançester Yunayted", "Çelsi", "Ayaks", "Sportinq", "Real", "Atletiko" (Madrid), "Bavariya", "İnter" və "Yuventus" 1/8 finala adlayıb.

00:00. "Benfika" (Portuqaliya) - "Dinamo" (Kiyev, Ukrayna)

00:00. "Bavariya" (Almaniya) - "Barselona" (İspaniya)

Xal durumu: "Bavariya" - 15, "Barselona" - 7, "Benfika" - 5, "Dinamo" - 1.

F qrupu

00:00. "Mançester Yunayted" (İngiltərə) - "Yanq Boyz" (İsveçrə)

00:00. "Atalanta" (İtaliya) - "Vilyarreal" (İspaniya)

Xal durumu: "Mançester Yunayted" - 10, "Vilyarreal" - 7, "Atalanta" - 6, "Yanq Boyz" - 4.

G qrupu

00:00. "Zaltsburq" (Avstriya) - "Sevilya" (İspaniya)

00:00. "Volfsburq" (Almaniya) - "Lill" (Fransa)

Xal durumu: "Lill" - 8, "Zaltsburq" - 7, "Sevilya" - 6. "Volfsburq" - 5.

H qrupu

00:00. "Yuventus" (İtaliya) - "Malmö" (İsveç)

00:00. "Zenit" (Rusiya) - "Çelsi" (İngiltərə)

Xal durumu: "Çelsi" - 12, "Yuventus" - 12, "Zenit" - 4, "Malmö" - 1.

Digər Xəbərlər
Xəbər Lenti