Azərbaycan millisinin Slovakiya ilə səfərdə keçirəcəyi AÇ-2020-nin seçmə oyunu üçün biletlərin qiyməti açıqlanıb.
Sportinfo.az Slovakiya Futbol Federasiyasının rəsmi saytına istinadən xəbər verir ki, Trnava şəhərində Anton Malatinski adına stadiondakı oyunun biletləri sabahdan etibarən onlayn satışa çıxarılacaq.
Bilet azarkeşlərə iki kateqoriya üzrə satılacaq. Birinci kateqoriyanın qiyməti 32 avro, ikinci isə 22 avro olacaq.
Noyabrın 19-da keçiriləcək Slovakiya - Azərbaycan matçı Bakı vaxtı ilə saat 23:45-də başlayacaq.