"Ayaks" azarkeşləri komandalarını noyabrın 5-də "Çelsi" ilə Çempionlar Liqasının səfər oyununda dəstəkləyə bilməyəcəklər.
Sportinfo.az UEFA-nın rəsmi saytına istinadən xəbər verir ki, Amsterdam klubu fanatlarının "Valensiya" ilə səfər matçındakı (3:0) davranışına görə cəzalanıb.
Hollandiya klubu həm də 50 min avro cərimə ödəməli olacaq. Bundan başqa, "Mestalya"da 6 futbolçu sarı vərəqə aldığı üçün "Ayaks" daha 18 min avro cərimə verməlidir.
"Ayaks" hazırda apellyasiya müraciəti üçün məsələni araşdırır.