Sportinfo.az xəbər verir ki, Premyer Liqa klubları fasilə müddətində boş dayanmayacaq.
Milli komandaların oyunları üzündən çempionata verilən aranı onlar yoxlama matçları ilə dolduracaq.
Artıq 4 komandanın sentyabrın 5-də meydana çıxacağı dəqiqləşib. Belə ki, “Sumqayıt” Masazırda “Sabah”la, “Qəbələ” isə Zirədə yerli komanda ilə sınaq oyunu keçirməyə razılaşıb.
Digər 4 komanda – “Qarabağ”, “Neftçi”, “Keşlə” və “Səbail” hələ seçim etməyib, lakin onların bir-biri ilə qarşılaşmaqdan başqa çarəsi yoxdu.
Premyer Liqada cəmi 8 komandanın mübarizə aparması belə mənzərələri üzə çıxarır. Seçim imkanı az olduğundan komandalar sınaq matçları və çempionat oyunlarında il ərzində 6-7 dəfə üz-üzə gəlir. “Qəbələ” ilə “Zirə” daha öncəki yoxlama oyunu bir yana, ötən həftə çempionatın ilk turunda da qarşılaşmışdı (1:1).